ބީ.އެމް.އެލް އެޓޯލް ޗެމްޕިއަންޝިޕް 2025/26 ގެ ފައިނަލަށް ތޮއްޑޫ ފުޓްބޯޅަ ކްލަބް ދަތުރުކޮށްފި.

• 18 ނޮވެމްބަރ 2025

މި މުބާރާތުގެ ފައިނަލަށް ތޮއްޑޫ ޓީމު ދަތުރުކޮށްފައިވަނީ ކުޅުނު ދެ މެޗްވެސް ކާމިޔާބުކޮށްގެންެނެވެ. މުބާރާތް ފެށުމުގެ ގޮތުން ތޮއްޑޫ ޓީމު ކުޅުނު ފުރަތަމަ މެޗް އުކުޅަސް ޓީމާ ދެކޮޅަށް ކުޅެ 1 - 3 ލަނޑުން ކާމިޔާބު ކުރިއިރު އިއްޔެ ކުޅުނު ދެވަނަ މެޗް ރަސްދޫ ޓީމުގެ މައްޗަށް ވަނީ 2 - 0 ލަނޑުން ކުރި ހޯދާ ފައިނަލްގެ ޖާގަ ޔަގީންކޮށްފައެވެ.
ފައިނަލްގައި ތޮއްޑޫ ޓީމާ ދެކޮޅަށް ކުޅޭ ޓީމެއް ޔަގީންވާނީ މާދަމާ ހަވީރު ރަސްދޫ އަދި އުކުޅަސް ބައްދަލުކުރާ މެޗަށްފަހުއެވެ.

ބީ.އެމް.އެލް އެޓޯލް ޗެމްޕިއަންޝިޕް 2025/26 ގެ ނަމުގައި އެފް.އޭ.އެމް ގެ ފަރާތުން އަތޮޅު ތަކަށް ހުޅުވާލައިގެން ބާއްވާ ފުޓްބޯޅަ މުބާރާތުގައި 14 އަތޮޅަކުން ބައިވެރިވެފައިވެއެވެ. މިއީ އެފް.އޭ.އެމް އިން މިގޮތަށް ބޭއްވޭ ފުރަތަމަ މުބާރާތެވެ.

ބައެއް އަތޮޅު ތަކުގެ އެޓޯލް ޗެމްޕިއަންޝިޕްތައް މިހާރު ވަނީ ނިމި އަނެއްބައި އަތޮޅުތަކުގެ މުބާރާތް ވަނީ ފަށާފައެވެ.

ގޮތުން އއ އަތޮޅުގެ މުބާރާތް ވެސް 15 ނޮވެންބާރ ގައި ވަނީ ފަށާފައެވެ. މި މުބާރާތް 15 ނޮވެމްބަރުން 23 ނޮވެމްބަރުގެ ނިޔަލަަށް ކުރިއަށްދާނެއެވެ. އއ އަތޮޅުން މުބާރާތުގައި ބައިވެރިވެފައިވާ ރަށްތަކަކީ، އއ ތޮއްޑޫ، އއ.ރަސްދޫ އަދި އއ.އުކުޅަސްއެވެ.

މި މުބާރާތް ބޭއްވުމުގެ އެންމެ ބޮޑު މަޤަސަދަކީ ރާއްޖޭގެ އެކި ހިސާބުތަކުގައި ފުޓްބޯޅަ ކުރިއެރުވުމެވެ.