ސިވިލް ސާވިސް ގަވާއިދު އިސްލާހުކޮށް ސިވިލް ސާވަންޓުންނަށް މޫނުބުރުގާ އެޅުން ހުއްދަކޮށްފި.
- 15 ސެޕްޓެމްބަރ 2025
ސިވިލް ސާވިސް ގަވާއިދުގެ 145ވަނަ މާއްދާގެ (ހ) އަށް އިއްޔެ ގެނައި އިސްލާހުގައި ވަނީ ސިވިލް ސާވިސް މުވައްޒަފުން ތިބެންވާ ގޮތް ތަފްސީލުކޮށްފައެވެ.
އިސްލާހު ކުރެވުނު ގަވާއިދުގައި ވަނީ މުވައްޒަފުން ޙިދުމަތް ދިނުމުގައި ތިބެންވާނީ އެކަށީގެންވާފަދަ ހެދުމެއްގައި ކަމަށާއި، ދެވޭ ޙިދުމަތުގެ ގޮތުން ކާކުކަން އެނގެންޖެހޭ ފަދަ ޙިދުމަތެއް ދޭނަމަ، ކާކުކަން އެނގޭނެގޮތަށް ނަމާއި މަޤާމު ފެންނަހެން ޓެގެއް ނުވަތަ ކާޑެއް ބޭނުން ކުރަންވާނެކަމަށެވެ.
ކުރީގެ ގަވާއިދުގައި ވަނީ ދެވޭ ޙިދުމަތަކީ ކާކުކަން އެނގެންޖެހޭ ޙިދުމަތަކަށްވުމުން ހެދުން އަޅާފައި ހުންނަންވާނީ އެ މުވައްޒަފަކީ ކާކުކަން ރަނގަޅަށް އެނގޭނޭފަދަ ގޮތަކަށެވެ. މިގޮތަށް ގަވާއިދު އޮތުމުން ސިވިލް ސާވިސް ވަޒީފާ އަދާކުރަން ބޭނުންވާ މޫނުބުރުގާ އެޅި އަންހެނުންނަށް އޮތީ ވަޒީފާ އަދާކުރުމުގައި ވަރަށް ބޮޑު ހުރަހަކަށް މިކަން ވެފައެވެ.
ޝަރުޢީ ދާއިރާގެ ގަވާއިދަށްވެސް އިސްލާހުގެނެވި އަންހެން މުވައްޒަފުންނަށް މިހާރުވަނީ މޫނުބުރުގާ އެޅުން ހުއްދަކޮށްފައެވެ.
ގަވާއިދަށް އިސްލާހު ގެނެވުމުން މޫނު ބުރުގާ އަޅައިގެން އުޅޭ އަންހެނުންނަށް ވަޒީފާ އަދާކުރުމުގައި އެއްވެސް ހުރަހެއް ނުވާނެއެވެ.


ވަރަނޫސް




