ހުޅުމާލޭގައި ނުރައްކާތެރި އެކްސިޑެންޓެއް ހިނގައި ޒުވާނަކު ނިޔާވެއްޖެ.

• 11 ނޮވެމްބަރ 2025

ހުޅުމާލެ ދެވަނަ ފިޔަވަހީގައި ރޭގެ ވަގުތެއްގައި ނުރައްކާތެރި އެކްސިޑެންޓެއް ހިނގައި 19 އަހަރުގެ ޒުވާނަކު ނިޔާވެއްޖެއެވެ. ފުލުހުން މައުލޫމާތު ދޭ ގޮތުގައި ނިޔާވެފައިވަނީ ކ.ދިއްފުށި، ލައިޓް ގާޑަން، އިސްމާއިލް ރަޔާން ބިން ނާޒިމް އެވެ.

މި އެކްސިޑެންޓު ހިނގައިފާ ވަނީ ނިކަގަސް މަގުން ބާރު ސްޕީޑުގައި ދުއްވާފައި ދިޔަ ސައިކަލެއް އެ މަގަށް ނިކުތް އެހެން ސައިކަލެއްގައި ޖެހިގެން ކަމަށް ފުލުހުން މައުލޫމާތު ދެއެވެ. މީސްމީޑިޔާގައި ދައުރުވަމުން ދާ ފޮޓޯތަކުން ފެންނަ ގޮތުގައި އެކްސިޑެންޓު ވެފައިވާ ދެ ސައިކަލަށް ވަނީ ބޮޑެތި ގެއްލުންތަކެއް ލިބިފައެވެ.

އަދި މި އެކްސިޑެންޓުގައި ނިޔާވި ޒުވާނާގެ އިތުރަށް ދެ މީހަކަށް ވަނީ އަނިޔާވެފައެވެ. އަދި އެ ދެ މީހުނަށް މިހާރު ދަނީ ހޮސްޕިޓަލްގައި ފަރުވާ ދެމުންނެވެ.